Shop - New Century Book House

மகளிர் நலனில் சித்த மருத்துவம்

ncbh publisher — Tue, 27 Jan 2026 11:58:34 +0000

25 தலைப்புகளில், பிறப்பு. பூப்பு எய்தல் முதல் வயோதிகம் வரை உள்ள பல்வேறு நிலைகளில் மகளிரின் உடல் நலனுக்குத் தேவையான, பயன்படக்கூடிய தகவல்களை எளிய நடையில் எழுதியுள்ளார். இப்புத்தகம், ஒவ்வொரு வீட்டு நூலகத்திலும் இருக்க வேண்டிய நல்ல பயனுள்ள வழிகாட்டி நூல்.
வே.இரா.சுப்புலெட்சுமி, இ.ஆ.ப..
மாவட்ட ஆட்சித்தலைவர்.
வேலூர் மாவட்டம்.
தம் உடல்நலன் குறித்த முழுமையான சிந்தனையை, தயக்கமற்ற அணுகுமுறையைத் தொடங்க வேண்டும். அதைத் தொடங்கமுடிந்தால். சித்தமருத்துவத்தின் எழுச்சி பெரிய அளவில் சாத்தியமாகும் என்பது உறுதி. ஒருவிதமான ஏக்கத்தைத் தணிக்கிறது இந்த நூலின் முயற்சி. இன்றைய நாளில், இந்த நூல் ஒரு பெண்ணின் தனி மனித வாழ்வில் எவ்வளவு முக்கியமான நூல் என்பதை இந்நூலை வாசிப்பவர் ஒவ்வொருவரும் உணரக்கூடும்.
மருத்துவர் ரேவதி சுயம்புலிங்கம்
(கவிஞர் குட்டி ரேவதி)

The post Shop first appeared on New Century Book House.

திண்டுக்கல் வரலாறும் தொன்மையும்

ncbh publisher — Tue, 27 Jan 2026 11:53:15 +0000

சங்கம் வைத்து தமிழ் வளர்த்த மதுரை மாநகரின் அருகே உள்ளது திண்டுக்கல் மாவட்டம். ஆனால் அக்காலத்தில் ஆள்வோரிடையே மதுரை பெற்ற சிறப்பிடத்தை திண்டுக்கல் மாநகர் பெறவில்லை என்றே பலர் எண்ணுகின்றனர். பேகன் ஆண்ட பொதினி மலையே இன்றைய பழனி மலை. கோவலனும் கண்ணகியும் ஊழினால் மதுரை சென்றது இம்மாநகரின் வழியேதான். இவை அனைத்தையும் விட சிறந்த செய்தி என்னவென்றால் திண்டுக்கல் நிலக்கோட்டையில்தான் பழமையான தூயதமிழ் கோட்டெழுத்துகள் உடைய தாதப்பட்டி கல்வெட்டு கிடைக்கப்பெற்றுள்ளது. இது மட்டுமன்றி பழங்கால இரும்புப் பொருட்களில் மிகத் தொன்மையானதும் இம்மாநகரைச் சேர்ந்ததே. மேலும் பல தொன்மையான வரலாறுகளை இந்நூலில் சுவையுறத் தொகுத்துக் கூறுகிறார் ஆசிரியர்.

The post Shop first appeared on New Century Book House.

காதலும் விஞ்ஞானமும்

ncbh publisher — Tue, 27 Jan 2026 11:39:19 +0000

மனித உயிரோடு பிணைந்த விஞ்ஞான சாதனங்கள் மற்றும் இயக்கங்கள் தொடர்புடைய கட்டுரைகளின் தொகுப்பு நூல். காதலிக்கும் போது இதயத்தில் அதிக ரத்தம் பாய்ந்து இதயக் கோளாறுகள் குறைகின்றன. காதலின்போது சுரக்கும் ஹார்மோன். பெண்களுக்கு மார்பகக் கேன்சரைக் குறைக்கின்றது. காதலிக்கும் காதலர்கள் நீண்ட நாள் வாழ்கிறார்கள், வாழ்நாளில் நிறைய சாதிக்கிறார்கள் என விரியும் காதலும் விஞ்ஞானமும் எனும் கட்டுரையோடு பெரியாரின் பகுத்தறிவும் க்வாண்டம் சித்தாந்தமும். ஈ மெயில் தந்த நாயகன் உள்ளிட்ட பல்வேறு தலைப்புகளில் பத்து கட்டுரைகளும் விஞ்ஞானத்தை விரிவாகப் பேசுகின்றன.

The post Shop first appeared on New Century Book House.

மேடைத் தென்றல்

ncbh publisher — Tue, 27 Jan 2026 11:32:33 +0000

தவத்திரு குன்றக்குடி பொன்னம்பல அடிகளார் அவர்கள் பல்வேறு மேடைகளில் ஆற்றிய உரைகள் தொகுக்கப்பட்டு ‘மேடைத்தென்றல்’ என்ற ஆவணமாக வெளிவருவது மகிழ்ச்சிக்குரியது. மொழியை கவிதையைப் போலவும் கற்கண்டைப் போலவும் கையாளும் அவருடைய திறனில் ஒரு தென்றல் நம்மை வருடிச் செல்வதைப் போன்ற உணர்வு ஒவ்வொரு வரியிலும் ஏற்படுவது உண்டு. அவர் குரலில் அத்தகைய மென்மை மேவுவதை நாம் உணர்ந்து சிலிர்க்க முடியும். அதனால் நூலின் தலைப்பு சாலப்பொருந்தும் ஒன்று.
அடிகளாருடைய உரையில் தமிழ்ப் பாடல்கள் தடையின்றி நர்த்தனமாடும். கருத்துகள் உருண்டோடும். அதே நேரத்தில் சந்நிதானம் என்கின்ற எந்தவித இறுக்கமும் இல்லாமல் நகைச்சுவைக் கதைகள் கூறும் செய்தியை சுவையூட்ட ஆங்காங்கே தூவப்படும். பல புத்தகங்களை வாசித்த திருப்தியை அவருடைய உரை தருவதோடு மேலும் நம்மைத் தேட வைக்கும் வித்தையையும் செய்யும்.
மேடைத் தென்றல் வீசிய பின்பும் அதன் தாக்கம் உள்ளங்களைத் தொடர்ந்து மலர வைத்து நறுமணம் கமழச் செய்யும் சிந்தனை விருந்து.
-முனைவர் வெ. இறையன்பு (இ.ஆ.ப)

The post Shop first appeared on New Century Book House.

மண்ணில் நல்ல வண்ணம் வாழலாம் தொகுதி – 2

ncbh publisher — Tue, 27 Jan 2026 11:24:44 +0000

அடிகளாரின் ‘மண்ணில் நல்ல வண்ணம் வாழலாம்’ நூலின் மையம் மனிதமும் மனிதநேயமும் என்று சொன்னால் மிகையாகாது. இந்நூல் முழுக்க உள்ள பல்வேறு இலக்கியச் சொல்லாடல்கள், கதைகள், நிகழ்வுகள். மனிதர்களின் செயல்பாடுகள், தரவுகள் உள்ளிட்டவை மனித வாழ்வை மேம்படுத்துவதற்கு வழித்துணையாய் அமைந்திருப்பவை. வாழ்வு என்ற கடினமான மலைவழிப்பாதையில் செல்வதற்கு வெளிச்சமாய், வழிகாட்டியாய். திசைகாட்டியாய் ‘குன்றின் மேலிட்ட விளக்காய்’ இந்நூல் அமைந்துள்ளது எனலாம்.
மனித வாழ்விற்கு அடிப்படையான, அவசியமான குணங்களையும் மனித வாழ்வை அன்பின் வழியும் மனிதநேயத்தின் வழியும் வழிநடத்தும் குணங்களையும் இந்நூலின் வழி அடிகளார் வலியுறுத்துகிறார். அந்த ஒளியைப் பின்பற்றி வாழ்வை நலமாக்கிக் கொள்ளுதல் நமது கடமை. இந்நூலின் நோக்கமும் பயனும் அதுவே.
-ஆர்.பாலகிருஷ்ணன் (இ.ஆ.ப.)

The post Shop first appeared on New Century Book House.

A MOMENTARY SKETCH (AN ANTHOLOGY OF POEMS)

ncbh publisher — Tue, 27 Jan 2026 08:39:40 +0000

The metaphors throughout the collection are both grounding and transcendent. Dreams become sketches that require our patient tending; life becomes an art form we create through our choices; setbacks transform into invitations for deeper wisdom. In “What Ladders Were Made For,” the poet offers a profound reimagining of success and striving, revealing that “We are all built to soar! / We just need to let go / And unlock that stubbornly glued shut door.” This is poetry that doesn’t just observe life-it offers a blueprint for living it more fully.
Dr. T. Marx

The post Shop first appeared on New Century Book House.

காலமாய் நின்ற கவி: பாரதி

ncbh publisher — Thu, 22 Jan 2026 12:03:53 +0000

தமிழிலக்கிய உலகில் அனைவருக்கும் நன்கு அறிமுகமான ஆய்வாளர் பேராசிரியர் கிருங்கை சேதுபதி அவர்கள். இடைவிடாத பணிகளில் தம்மை இணைத்துக் கொண்டு ஓடியாடி உழைப்பவர். அவர் எழுதிய இருபத்தொரு கட்டுரைகள் ‘காலமாய் நின்ற கவி என்ற நூலாக வெளிவருகின்றன. பாரதியைப் பற்றிய ஆய்வுகள் எனப்படும் மகுடத்தில் இது இன்னுமொரு மாணிக்கம் என்று கூற விழைகிறேன்.
பாரதி ஒரு கருத்துச் சுரங்கம்; அதில் ஈடுபட்டுத் தோண்டத் தோண்டத் தங்கம் கிடைத்துக் கொண்டே இருக்கும். காலத்திற்குள் அடங்காதது எதுவுமில்லை. ஆனால், பாரதி காலத்தைக் கடந்து பேருருவம் கொண்டு நிற்கிறான். அப்பேருருவத்திற்குள் காலம் அடங்கி நிற்கிறது. எனவே பாரதி, காலமாகவே மாறி இன்றளவும் இயக்குகிறான்: இயங்குகிறான். அதனைச் சரியாக இனங்கண்டு சேதுபதி அவர்கள் இந்நூலைப் படைத்தளிக்கிறார்.
பல அரிய தகவல்கள் நிறைந்த பெட்டகமாக இந்நூலை யாத்திருக்கிறார் கிருங்கை சேதுபதி. ஓர் அரிய கவிஞரைப் பற்றி நல்ல நூலினைத் தந்தமைக்காகத் தமிழ்கூறு நல்லுலகம் கிருங்கை சேதுபதி அவர்களைப் போற்றக்கூடும். நானும் வாழ்த்துகிறேன்.
முனைவர் ம.திருமலை

The post Shop first appeared on New Century Book House.

உணவு டெலிவரிக் கதைகள் (நாகரீக வாழ்வில் நவீனச் சுரண்டல்)

ncbh publisher — Thu, 22 Jan 2026 11:53:27 +0000

இந்த “கிக் பொருளாதாரம்” அல்லது “கிக் தொழில்” பற்றியான முதல் புத்தகம் இது தான் என்று நான் கருதுகிறேன். அதற்காக ஆசிரியருக்கு என்னுடைய மனம் திறந்த பாராட்டுக்கள். இந்தத் துறை. அதாவது “கிக் தொழிலில்” ஈடுபட்டுள்ள கோடிக்கணக்கான இளைஞர்களின் வாழ்க்கையை முற்றிலுமாக முடக்கியுள்ளது. உலகமயம் மற்றும் தாராளமயம் ஆகிய இரு கொள்கைகளை நடைமுறைப்படுத்துவதற்கு. இது போன்ற புதிய தொழில்நுட்பங்கள் கார்பரேட் முதலாளிகளுக்கு பெரிதும் உதவுகின்றன. நவீன தொழில்நுட்பத்தின் மூலமாக உருவெடுத்த அல்கொரிதம் இந்தப் பணியில் ஈடுபட்டுள்ள தொழிலளர்களின் வாழ்க்கையைப் புரட்டியெடுக்கிறது. அது எப்போதுமே முதலாளிகளுக்கு மட்டுமே சாதகமாக இருந்து வருகிறது. ஆனால் அதை உருவாக்கிய விஞ்ஞானிகளுக்கும், அதைப் பயன்படுத்தும் மக்களுக்கும் எந்தவித சலுகைகளைச் செய்வதில்லை என்பதை அ.இருதயராஜ் சுட்டிக் காட்டியுள்ளார்.
கே. சி. கோபிகுமார்
சி.ஐ.டி.யு செயலாளர்
சென்னை

நாம் ஆர்டர் செய்து சுவைக்கும் உணவை டெலிவரி செய்யும் தொழிலாளர்கள் யாரும் ஒருபோதும் மலர்ந்த முகத்துடன் இருப்பதில்லை. அதை நாம் கவனித்திருந்தாலும், கவனிக்காவிட்டாலும் உணவு பொட்டலத்தை வாங்கிய பிறகு, அதற்கான காரணங்களைப் பற்றி நாம் யோசித்துப் பார்ப்பதில்லை. இந்தப் புத்தகம் நாம் பார்க்க மறந்த நகரத்தின் நவீன கூலித் தொழிலாளர்களை நமக்கு சரியான வகையில் அடையாளம் காட்டுகிறது. “கிக் பொருளாதாரம்” என்ற மாற்றுப் பொருளாதாரத்தை நமக்கு முன் கட்டமைத்து, அது “முழு நேர வேலையை விட சுதந்திரமானது”, “விரைவாக வருமானம் ஈட்டக்கூடியது”, “வேலை செய்வதில் நெகிழ்வுத் தன்மையைக் கொண்டுள்ளது” என்ற போலியான பிம்பத்தைத் தொழிலாளர்கள் மத்தியில் கட்டமைத்துள்ளது. அந்த பிம்பத்தை இந்த நூலாசிரியர் அ.இருதயராஜ் கட்டுடைக்கிறார். அந்த போலியான பிம்பத்தின் பல முகங்களைத் தோலுரித்துக் காட்டுகிறார். அனைவரும் அவசியம் வாசிக்க வேண்டிய புத்தகம்.
முனைவர். அழகிரிசாமி,
சென்னை

The post Shop first appeared on New Century Book House.

மிட்டாய் நினைவுகள்

ncbh publisher — Thu, 22 Jan 2026 11:29:56 +0000

இந்நூல் பெருந்தொற்றுக் காலத்தின் மௌனத்தில், அன்றாட வாழ்க்கையின் சின்னச் சின்ன தருணங்கள் எப்படி அர்த்தமாய் மாறின என்பதற்கான சாட்சியம்.
நாம் கவனிக்கத் தவறிய நொடிகளை மெதுவாக சுட்டிக் காட்டும் நினைவுச் சாளரம்.
ஓட்டம் நிறைந்த வாழ்வில் மறந்துபோன மனிதத்தன்மையை மீண்டும் தொட வைக்கும் வரிகள்.
ஒவ்வொரு கட்டுரையும் வாசகரின் சொந்த அனுபவமாக மாறும் நெருக்கம் கொண்டவை.
கடந்த காலத்தை மீண்டும் ஒரு முறை வாழ்ந்து பார்க்கத் தூண்டும் இனிய அழைப்பு.
நினைவுகளின் மிட்டாயை வாசக மனங்களில் பகிரும் ஒரு நேர்மையான முயற்சி ‘மிட்டாய் நினைவுகள்’

The post Shop first appeared on New Century Book House.

இப்படியும்….

ncbh publisher — Fri, 12 Dec 2025 10:31:09 +0000

கற்பி! போராடு! ஒன்றுசேரி! என்ற புரட்சியாளர் அம்பேத்கரின் புகழ்பெற்ற மூன்று முழக்கங்களைத் தலைப்புகளாகக்கொண்டு உருவாக்கப்பட்ட மூன்று நெடுங்கதை களைக்கொண்ட இந்நூல், தமிழகச் சூழலில், கத்தோலிக்கத் திருச்சபையில் பெண்ணுரிமைக்கான முதல் குரலைப் பதிவு செய்கிறது. திருச்சபையில் துறவு மேற்கொள்ளும் பெண்கள், எல்லையற்ற ஆணாதிக்கத்தின் கீழ் உழன்று கொண்டிருக்கிறார்கள் என்பதை அம்பலப்படுத்துகிறது. குருத்துவம் என்பது ஆண்களின் ஏகபோக உரிமையல்ல என்பதையும், பெண்களுக்கும் அது அளிக்கப்பட வேண்டிய அவசியத்தையும், இறையியலை ஆதாரமாகக்கொண்டு, மறுக்க முடியாத. ஆழமான விவாதங்களுடன் வலியுறுத்துகிறது. குருத்துவம் ஆண்களுக்குரியது என்ற வாதம் அடிப்படையில் ஆணாதிக்கச் சிந்தனையே என்றும் குருத்துவப் பணியை, ஆணாதிக்கக் களமாக குருக்கள் மாற்றிவைத்துள்ளனர் என்றும் சாடுகிறது. ஈராயிரம் ஆண்டு காலப் பழமைவாதங்களைக் கைவிட்டு நவீன மனித மதிப்பீடுகளை ஏற்றுக்கொண்டு, தன்னை ஜனநாயகப்படுத்திக்கொள்வதன் மூலமும், துறவு ஏற்ற பெண்களுக்கு குருத்துவத்தை வழங்கிப் பெண்ணிய ஆற்றலை வெளிப்படுத்துவதன் மூலமும் கத்தோலிக்கத் திருச்சபை மேலும் ஆயிரம் ஆண்டு காலம் நீடிக்க முடியும் என்ற உயரிய சிந்தனைகளை உள்ளடக்கிய நெடுங்கதைகளை இந்நூல் பதிவு செய்கிறது. உண்மையில், கத்தோலிக்கத் திருச்சபை வரலாற்றில் ஒரு முக்கிய விவாதத்தை இந்நூல் தொடங்கி வைத்திருக்கிறது.

The post Shop first appeared on New Century Book House.