புரட்சியில் பொருள் பாகம் – 1

புரட்சியில் பகுத்தறிவு’ என்ற இவரது நூல் தமிழ்நாட்டு வாசகர்களின் பெரும் வரவேற்பைப் பெற்று இரண்டு பதிப்புகளைக் கண்டது. அந்நூலின் தொடர்ச்சியாக, மாமேதை லெனின் அவர்கள் மார்க்சியத்தின் மூன்று கூறுகளாக வரையறுத்த தத்துவம், பொருளாதாரம். அரசியல் என்பதன் இரண்டாவது கூறான பொருளாதாரம் குறித்து இந்நூலை எழுதியுள்ளார். உலகப் பொருளாதாரம் பற்றிய இந்தத் தொகுதி. கூடவே வெளியாகும் இந்தியாவையும் அதற்குள் தமிழ்நாட்டையும் பற்றிய இன்னொரு தொகுதி என இரண்டு பகுதி நூல்களாக வெளியாகிறது. ‘புரட்சியில் பொருள்’ என்ற இந்நூல் ப.கு.ராஜன் அவர்களின் பல்லாண்டு கால தொடர் உழைப்பின் விளைச்சல். இத்தகைய நூல்கள் தமிழில் அரிதாகவே வெளிவருகின்றன. ஆழமும் கனமும் மிக்க இது போன்ற நூல்களை எழுத வருடக்கணக்கான விரிந்த வாசிப்பு அவசியப்படுகிறது. வாசிப்போடு சிந்தனையும் படிப்பறிவோடு பட்டறிவும் தேவைப்படுகிறது. பொறுமையும் வைராக்கிய உணர்வும் இருந்தால் மட்டுமே இது சாத்தியப்படுகிறது.”

த. ஸ்டாலின் குணசேகரன்,

என்.சி.பி.எச் நிர்வாகத் தலைவர்

“இயக்கவியல் பார்வையில் பொருளுற்பத்தி வளர்ச்சிப்போக்கையும் அரசியல் போக்குகளையும் நிகழ்வுப் போக்குகளையும் அனாயசமாக கையாண்டிருக்கிறார். ஆசிரியர். மார்க்சியம் பயில நினைப்பவர்களுக்கு ஒரு பாடநூலாக அமைவதற்கான அனைத்துத் தகுதியும் இந்நூலுக்கு இருக்கிறது. மார்க்சியம் தனிநபர்களை நம்பியிருக்கும் தத்துவமல்ல. தனிநபர்கள் பிறழ்ந்தாலும் மார்க்சியத்தின் அடிப்படைகள் செல்லுபடியாகக்கூடியவை என்பதை வலியுறுத்தியிருக்கிறார். நடந்து போன விரும்பத்தகாத நிகழ்வுகளை விட்டுத்தள்ளி மார்க்சியத்தின் மீதான நம்பிக்கையை இந்நூல் வலுப்படுத்தியிருக்கிறது. மனிதகுலம் தனது அடுத்தகட்டத்திற்கு சென்றே தீரும் என்ற உணர்வு இந்நூலை வாசிப்பவருக்கு ஏற்படும்”

எஸ் விஜயன்,

நூலுக்கான முன்னுரையில்