#Essays - New Century Book House

காதலும் விஞ்ஞானமும்

ncbh publisher — Tue, 27 Jan 2026 11:39:19 +0000

மனித உயிரோடு பிணைந்த விஞ்ஞான சாதனங்கள் மற்றும் இயக்கங்கள் தொடர்புடைய கட்டுரைகளின் தொகுப்பு நூல். காதலிக்கும் போது இதயத்தில் அதிக ரத்தம் பாய்ந்து இதயக் கோளாறுகள் குறைகின்றன. காதலின்போது சுரக்கும் ஹார்மோன். பெண்களுக்கு மார்பகக் கேன்சரைக் குறைக்கின்றது. காதலிக்கும் காதலர்கள் நீண்ட நாள் வாழ்கிறார்கள், வாழ்நாளில் நிறைய சாதிக்கிறார்கள் என விரியும் காதலும் விஞ்ஞானமும் எனும் கட்டுரையோடு பெரியாரின் பகுத்தறிவும் க்வாண்டம் சித்தாந்தமும். ஈ மெயில் தந்த நாயகன் உள்ளிட்ட பல்வேறு தலைப்புகளில் பத்து கட்டுரைகளும் விஞ்ஞானத்தை விரிவாகப் பேசுகின்றன.

The post காதலும் விஞ்ஞானமும் first appeared on New Century Book House.

காலமாய் நின்ற கவி: பாரதி

ncbh publisher — Thu, 22 Jan 2026 12:03:53 +0000

தமிழிலக்கிய உலகில் அனைவருக்கும் நன்கு அறிமுகமான ஆய்வாளர் பேராசிரியர் கிருங்கை சேதுபதி அவர்கள். இடைவிடாத பணிகளில் தம்மை இணைத்துக் கொண்டு ஓடியாடி உழைப்பவர். அவர் எழுதிய இருபத்தொரு கட்டுரைகள் ‘காலமாய் நின்ற கவி என்ற நூலாக வெளிவருகின்றன. பாரதியைப் பற்றிய ஆய்வுகள் எனப்படும் மகுடத்தில் இது இன்னுமொரு மாணிக்கம் என்று கூற விழைகிறேன்.
பாரதி ஒரு கருத்துச் சுரங்கம்; அதில் ஈடுபட்டுத் தோண்டத் தோண்டத் தங்கம் கிடைத்துக் கொண்டே இருக்கும். காலத்திற்குள் அடங்காதது எதுவுமில்லை. ஆனால், பாரதி காலத்தைக் கடந்து பேருருவம் கொண்டு நிற்கிறான். அப்பேருருவத்திற்குள் காலம் அடங்கி நிற்கிறது. எனவே பாரதி, காலமாகவே மாறி இன்றளவும் இயக்குகிறான்: இயங்குகிறான். அதனைச் சரியாக இனங்கண்டு சேதுபதி அவர்கள் இந்நூலைப் படைத்தளிக்கிறார்.
பல அரிய தகவல்கள் நிறைந்த பெட்டகமாக இந்நூலை யாத்திருக்கிறார் கிருங்கை சேதுபதி. ஓர் அரிய கவிஞரைப் பற்றி நல்ல நூலினைத் தந்தமைக்காகத் தமிழ்கூறு நல்லுலகம் கிருங்கை சேதுபதி அவர்களைப் போற்றக்கூடும். நானும் வாழ்த்துகிறேன்.
முனைவர் ம.திருமலை

The post காலமாய் நின்ற கவி: பாரதி first appeared on New Century Book House.

ஆன்மிக ஞாயிறு அடிகளார்

ncbh publisher — Fri, 12 Dec 2025 10:06:59 +0000

கிருங்கை சேதுபதி அவர்கள் நமது ஆதீனத்தின் பிரான்மலை வள்ளல்பாரி மேல்நிலைப்பள்ளியில், பயின்றவர். நம்முடைய ஆதீனத்தோடு நெருங்கிய தொடர்பை வளர்த்துக் கொண்டவர், அடிகள்பெருமானை. சிறுவயதில் இருந்து தன் இதயத்துள் உருவகப்படுத்தி, அவரை ஆன்மநாயகராக எடுத்துக்கொண்டு, தன்னுடைய வாழ்க்கைப் பயணத்தில் எப்போதும் நினைவுகூர்ந்து வருபவர். தமிழ் இலக்கிய உலகத்தில் எழுத்துப் பணியைச் செம்மையாகச் செய்துவரும் அவர். பாரதி பற்றிய நூல்களையும், நம் அடிகள் பெருமான் பற்றிய நூல்களையும் நிறையவே எழுதியிருக்கிறார். குறிப்பாக, நம் அடிகள்பெருமான் பற்றி அவர் எழுதிய நூல்கள் அற்புதப் படைப்புகள்.
அடிகள் பெருமானைப் பற்றி சதாசர்வகாலமும் சிந்தித்து, அவரைப் பற்றிப் பல மேடைகளில் நாள்தோறும் தொடர்ந்து பேசி. இன்று எழுத்துலகில் அவருக்கான பதிவுகளை மிகச்சிறப்பாக, செம்மையாக. அழகாக அருமையாக, நேர்த்தியாகச் செய்துவரும் பாராட்டுதலுக்குரிய கிருங்கை சேதுபதி அவர்களைப் பாராட்டுகிறோம்.
குறிப்பாக, அவரது படைப்புகள் எளிமையும், இனிமையும், அழகும். செறிவும். ஆழமும். அர்த்தமும் நிறைந்தவை. அந்த வகையில், அடிகள் பெருமானைப் பற்றி எண்ணுகிறபோது. அவர்மீது கொண்ட அளப்பரிய பக்தியை, நம்பிக்கையை, விசுவாசத்தை, தமிழ்கூறும் நல்லுலகத்திற்கு அவர் விட்டுச் சென்ற பணிகளை நினைவுகூர்ந்து அவர் எழுதுவது மிகுந்த சிறப்புக்கும் பாராட்டுக்கும் உரியது.
‘ஆன்மிக ஞாயிறு அடிகளார்’. ஞாயிற்று ஒளியாய், உதயஞாயிற்று ஒளியாய். இருள்கடிந்து ஆன்மிக வானில் சுடர்விட்டுப் பிரகாசிக்கும் என்ற நம்பிக்கையோடு வாழ்த்துகிறோம்.

தவத்திரு குன்றக்குடி பொன்னம்பல அடிகளார்

The post ஆன்மிக ஞாயிறு அடிகளார் first appeared on New Century Book House.

The British Colonial Invasion and Education in Madras : Innovatin and Impact on Tamil Society , 1716 – 1941

ncbh publisher — Fri, 12 Dec 2025 08:47:39 +0000

This book seeks to understand the nature of British colonialism and nuances of education. It situates the schools, educational processes and Tamil culture between AD 500 and 1714 and significantly highlights the evolution of western education in Madras (1716-1828). It explores the functioning of the Tamil medium schools (1716-1846) and the textbooks in Tamil for schools which got printed in Madras, Palayamkottai and Nagercoil under the aegis of the English East India Company (1824-1857). The volume analyzes the growth of education under the British Crown through the primary schools and secondary schools (1858-1935) in Madras, compulsory school education introduced (1920-1941), opening up of the colleges at various places (1841-1937) besides aiming to providing higher education through universities created (1857-1940). The study also examines the steps taken by the British in educating the native zamindari minors (1894-1920) and lays emphasis on the establishment of the reformatory schools for delinquents (1887-1940) besides providing education to the deaf through founding schools (1895-1940). It reveals how illiteracy in Tamil country could not be constructively eradicated through modern and western education. S. Jeyaseela Stephen is former directeur, Institut pour études Indo-Européennes (2013-2023). He was Professor of Maritime History (2001-2013) at Visva-Bharati University, Santiniketan. He has authored numerous books on the maritime history of early modern India. His books have been translated into Chinese, Danish, German and Tamil. He is the recipient of the Best Book Prize of the Year 1999 from the Government of Tamil Nadu. He received the Thiru Vi. Ka Award of 2023 by the Government of Tamil Nadu.

Cover Illustration: The School in Tamil Country (Courtesy: Museum fur Indische Kunst, Berlin: 1 4993)

The post The British Colonial Invasion and Education in Madras : Innovatin and Impact on Tamil Society , 1716 – 1941 first appeared on New Century Book House.

மற்றமைகளை வாசித்தல்

ncbh publisher — Wed, 19 Nov 2025 10:35:59 +0000

தோழர் ஜமாலன் எழுத்துக்களை வாசிக்கும் போதெல்லாம் சிறந்த தத்துவ ஞானியான நீட்சேயின் கூற்றுதான் நினைவுக்கு வருகிறது. “அறிவைவிட இனிப்பான தேன் வேறு எங்கே இருக்கிறது.” ஜமாலன் தமிழ்த் திறனாய்வு உலகிற்கு அறிவுத்தேன் வழங்கிக் கொண்டிருக்கும் ஒரு தேனீ. அவரைப் பாராட்டுகிறேன் வாழ்த்துகிறேன்.
– க.பஞ்சாங்கம்
இந்நூல் படைப்பிலக்கியம் குறித்த ஒரு கோட்பாட்டுத் திறனாய்வுக் கட்டுரைகளின் தொகுப்பு நூலாக வடிவமைந்துள்ளது. இக் கட்டுரைகள் அனைத்தும் கடந்த மூன்று ஆண்டுகளுக்குள் எழுதப்பட்ட கட்டுரைகள் என்ற வகையில் தற்கால தமிழ் இலக்கிய உரையாடலை முன்வைக்கும் ஒன்றாக அமைந்துள்ளது.
ஜமாலன்

The post மற்றமைகளை வாசித்தல் first appeared on New Century Book House.

சங்க இலக்கியம் உடல் மனம் மொழி

ncbh publisher — Wed, 19 Nov 2025 10:14:43 +0000

“தமிழ் இலக்கிய ஆய்வு வரலாற்றில் ஒரு கருத்தையோ, ஒரு ஆய்வுப் பொருளையோ எடுத்துக்கொண்டு அதை சமூகவியல், மானிடனியஸ், உளவியல், இலக்கியவியல், பெண்ணியப்பார்வை என்று பல துறைகளின் வழியாக ஆராய்ந்த ஆய்வுகள் பெரும்பாலும் இல்லை என்றே கூறலாம். சங்கப்பாடல்களில் “பெண்ணை முன்னிலைப்படுத்திய பண்பாட்டு உருவாக்கம்” என்ற கருத்தை ஆய்வுப்பொருளாகக் கொண்டு வரலாற்றியல், உயிரியல், சமூகவியல், உளவியல், தொல்காப்பிய இலக்கியவியல், கூற்றியல் என்ற பல்துறை நோக்கில் ஆராயப்பட்ட முதல் நூலை உருவாக்கியவர் சக்தி ஜோதியே எனலாம். இந்த நூல் தமிழ் இலக்கிய ஆய்வு வரலாற்றில் ஒரு மைல்கல்.”

பேரா.முனைவர்.எல். இராமமூர்த்தி, மொழியியல் துறை, கேரள மத்தியப் பல்கலைக்கழகம்.

“இரண்டாயிரமாண்டு காலத் தமிழர் வரலாற்றை மீட்டுருவாக்கிட அடிப்படையாக விளங்குகிற சங்கப்பாடல் வரிகளை இளைய தலைமுறையினரிடம் கொண்டு செல் வேண்டியது அவசியம். கவிஞர் சக்தி ஜோதி எழுதியுள்ள ‘சங்க இலக்கியம் உடல் மனம் மொழி’ எனும் இந்நூல், பொதுமக்களிடம் தமிழ் அடையாளத்தை முன்வைத்திட பெரிதும் உதவும். அதேவேளையில் இந்த நூல் கல்விப்புலம் சார்ந்த ஆய்வாளர்களுக்கும் மாணவர்களுக்கும் பெரிதும் பயன்படும். சங்க இலக்கிய ஆய்வில் புதிய தடம் பதித்திட முயன்றுள்ள சக்தி ஜோதியின் விமர்சன நூல் வரலாற்றில் என்றும் நிலைத்திருக்கும்.”

ந.முருகேசபாண்டியன்,

The post சங்க இலக்கியம் உடல் மனம் மொழி first appeared on New Century Book House.

சுதந்திரச் சுடர்கள்

ncbh publisher — Sat, 18 Oct 2025 10:08:56 +0000

‘சுதந்திரச் சுடர்கள் ஒவ்வொருவரும் தவறாமல் நேசித்து வாசிக்க வேண்டிய நூல். இது நுகாவுக் கலாசாரத்தின் முற்றுகையில் சுயநலமாகவே சிந்தித்து வாழப் பழகிவிட்ட நம்மை, சமூக நேயத்துடன் சக மனிதர் துயர் துடைக்கவும். சுதந்திரக் காற்றை இந்த மண் என்றும் சுவாசிக்கவும், சென்ற தலைமுறை செய்திருக்கும் தியாகங்களைத் திரும்பிப் பார்க்கவும். சிறிதளவாவது பொதுநலன் சார்ந்து அவர்களைப் போன்று செயற்படவும் நிச்சயம் மாற்றியமைக்கும்.

ஸ்டாலின். இந்த நூலில் அடுக்கியிருக்கும் ஆதாரங்கள் அளவற்றவை. இவையனைத்தையும் அவர் ஒன்றாகத் தேடித் தொகுத்து ஓரிடத்தில் உட்கார்ந்து அடித்தும் திருத்தியும் எழுதாமல். மேடைகளில் சிந்தனைத் தடுமாற்றமின்றிப் பதிவு செய்திருப்பதை யாரும் வியக்காமல் இருக்கவியலாது.

நாம் மறந்துவிட்ட வரலாற்றுச் செய்திகளைப் புதிய எழுச்சியுடன், மேலான சமூக நோக்குடன் நம் நினைவில்கொண்டு வந்து நிறுத்தக்கூடியவை. ஒவ்வொரு கல்லூரியிலும் இந்த நூல் பாடப் புத்தகமாக வைக்கப்பட வேண்டும்.

தமிழருவி மணியன்

The post சுதந்திரச் சுடர்கள் first appeared on New Century Book House.

ஜல்லிக்கட்டும் காளைகளும்

ncbh publisher — Sat, 18 Oct 2025 08:23:01 +0000

காளைகள் குறித்த இந்த ஆய்வுநூல் தமிழன் ஒவ்வொருவரின் கையிலும் தவழ வேண்டிய ஒப்பற்ற நூல்.

காளைகள் குறித்துப் பேசும் இவ்வாய்வு நூலில் ஏறுதழுவுதல், ஜல்லிக்கட்டு போன்ற வீர விளையாட்டுகள் நம் தமிழ் மக்களின் ரத்தத்தோடு கலந்த சிறப்பினைப் பறைசாற்றும், ஆசிரியர் நேர்காணல் மூலமாகத் தரவுகள் திரட்டி ஜல்லிக்கட்டு நடைபெறும் வாடிவாசலின் வகைகளையும் அமைப்பு முறைகளையும் கூறியிருப்பது இந்நூலைப் படிப்போருக்கு காளைகள் குறித்த புதிய பரிமாணத்தை ஏற்படுத்தும் என்பதில் சிறிதும் ஐயமில்லை.

முனைவர் மூ.தமிழரசி

மேனாள் இணைப்பேராசிரியர். தமிழ்த்துறை டோக் பெருமாட்டி கல்லூரி, மதுரை-21

The post ஜல்லிக்கட்டும் காளைகளும் first appeared on New Century Book House.

வாழ்க்கை ஒரு திருவிழா

ncbh publisher — Fri, 03 Oct 2025 07:56:45 +0000

வாழ்க்கை ஒரு பகிர்தல், வாழ்க்கை அழகின் உச்சம், வாழ்க்கை ஒரு கல்வெட்டாகும். வாழ்க்கையே இனி திசையாகும். வாழ்க்கை ஒரு மாற்றுப்பாதை. வாழ்க்கை ஓர் ஆரவாரம், வாழ்க்கை ஒரு பயணம், வாழ்க்கை ஒரு திருவிழா. வாழ்க்கை ஒரு கண்ணோட்டம், வாழ்க்கை ஒரு பூந்தோட்டம் உள்ளிட்ட பத்துத் தலைப்புகளில் வாழ்வின் அற்புதங்களையும் அழகையும் சுவைபட விவரிக்கும் சிறு கட்டுரைகள் அடங்கிய அபூர்வத் தொகுப்பு.

The post வாழ்க்கை ஒரு திருவிழா first appeared on New Century Book House.

மூச்

ncbh publisher — Fri, 26 Sep 2025 12:16:32 +0000

Book Name : Mooch
Regional Name : மூச்
Author : டாக்டர் இரா.ஆனந்தகுமார் இ.ஆ.ப
Edition : 1st Edition
ISBN : 978-81-987160-3-3
Category : Essays
Binding : Paper Binding
Language : Tamil
Publishing Year : 2025
Pages : 192
Code No : A5470

The post மூச் first appeared on New Century Book House.