Thiyaru - New Century Book House

கண்ணாடிக் கனவுகள் / Kannaadi Kanavukal

admin — Fri, 18 Oct 2024 22:43:25 +0000

பட்டவை, படித்தவை. கண்டவை, கேட்டவை என அனைத்தும் பாடுபொருட்களே. மனதில் பல்வேறு நினைவுகளும் என்னங்களும் ஏற்பட்டுக்கொண்டே இருக்கின்றன. இனிமையான நினைவுகளில் துள்ளிக் குதிப்பதும், கசப்பானவைகளில் துக்கப்படுவதும் மனம்தான். எனினும் அங்கிருந்துதான் உன்னத படைப்பிலக்கியங்களின் ஜனனம் நிகழ்கிறது: புகழின் ஒளி
தெரிகிறது.

‘ராணி’ வார இதழில் ‘கண்ணாடிக் கனவுகள்” உலா வந்த இருபத்தைந்து வாரங்களும் என்னால் மறக்க முடியாதவை. எனக்குள்ளேயே சுகமான பயணமொன்றை நாள் மேற்கொண்டதைப் போன்ற ஓர் உணர்வு. உள்ளத்திற்குள் அலைமோதிக் கொண்டிருப்பவைகளை, ஓர் ஒழுங்குக்குட்படுத்தி இலக்கியப் படைப்புகளாக்கித் தருவதில் ஒருவித சுகம் இருக்கிறது.

-தியாரு

The post கண்ணாடிக் கனவுகள் / Kannaadi Kanavukal first appeared on New Century Book House.

தெய்வங்கள் தூங்கட்டும் / Theivangal Thoongattum

admin — Fri, 18 Oct 2024 22:43:25 +0000

கவிதை அல்லது பாடலில்தான் ஒரு படைப்பாளி தன் அனுபவத்தை முழுமையாகவும் இனிமையாகவும் வெளியிட முடியும். அது ஓர் அற்புதமான கலை.

ஓர் அமுத நதி என் உள்ளத்திலிருந்து புறப்பட்டு உங்கள் இதயங்களைத் தழுவ வருகின்றது. கவிதைச் சந்தன வாசத்தைச் சுமந்து கொண்டு ஓர் இளைய தென்றல் உங்கள் வீடு தேடி வருகின்றது.

– தியாரூ

The post தெய்வங்கள் தூங்கட்டும் / Theivangal Thoongattum first appeared on New Century Book House.

இனியொரு கடவுள் செய்வோம் / Iniyoru Kadavul Seyvom

admin — Fri, 18 Oct 2024 22:25:50 +0000

நேயமும் தேடலும் ஆவேசமும் கருணையும் வழிந்தோடும் சொற்கள். அறவுணர்வும் ஆக்கச்சிந்தனையும் மலர்ச்சரமாய் மணம்பரப்பும் அற்புதமான வரிகள், கட்டுக்கடங்கா வேகத்தில் நீரூற்றாய்ப் பொங்கிவரும் கவிப்பெருக்கு. காகிதம் விட்டுக் கிளர்ந்தெழுந்து வாசகர்களின் மனம் பற்றி உணர்ச்சியூட்டும் கவிதைகள். ஆழமும் ஆகிருதியும் மிக்கவை.

The post இனியொரு கடவுள் செய்வோம் / Iniyoru Kadavul Seyvom first appeared on New Century Book House.

அப்பாவின் கடிதம் / Appavin Kaditham (Sirukathaigal)

admin — Fri, 18 Oct 2024 22:25:27 +0000

இத்தொகுப்பில் உள்ள சில கதைகளைப் படிக்கையில், படிக்கிறேன் என்பதையே மறந்துபோய் அந்தக் கதைக் களத்தில் நானும் ஒரு பார்வையாளனாகக் கிடந்தேன்.
திரு. தியாரூ யதார்த்தத்தைக் காட்டுகிறேன் என்று பல கதைகளில் இதயத்தைக் கிள்ளி விடுகிறார். அங்கேதான் எழுத்தின் சக்தியையும் உணர முடிகிறது.

கற்பனையைத் தைப்பதால்தான் கதை என்கிறோம். அந்த கற்பனைக்குக் காரணமும் வாழும் வாழ்க்கைதானே? அப்படி வாழும் வாழ்வில் தான் கண்ட கேட்ட தன்னை பாதித்த உணர்வு நிலைகளை வெகு அழகாய் காட்சிப்படுத்தி இந்த 21 சிறுகதைகளையும் எழுதியுள்ளார் தியாரூ.

இந்தத் தொகுப்பு ஒரு நல்ல அனுபவம். வாசிப்புப் பிரியர்களுக்கு சுவையான ஆரோக்கியமான வெல்லம் கலந்த அவல்.

இந்திரா சௌந்தர்ராஜன்

The post அப்பாவின் கடிதம் / Appavin Kaditham (Sirukathaigal) first appeared on New Century Book House.

மீண்டும் ஒரு மழைக்காலத்தில் / Meendum Oru Mazhaikkalathil

admin — Fri, 18 Oct 2024 22:23:20 +0000

மனிதநேயமும் சமூக அக்கறையும் பொதிந்த கருத்தாழமிக்கக் கதைகளை எளிய நடையில் அழகுறச் சொல்லும் சிறந்த கதைப் புத்தகம். தேர்ந்த முறையில் கதைகளை சொல்லிச் செல்லும் பாங்கும், புதுமையான கதைக்களன்களும் மிகவும் சிறப்பானவை, உணர்வுப்பூர்வமானவை. வாசிக்கும்போதே நிறைவையும் மன நெகிழ்வையும் தரும் அருமையான சிறுகதைத் தொகுப்பு.

The post மீண்டும் ஒரு மழைக்காலத்தில் / Meendum Oru Mazhaikkalathil first appeared on New Century Book House.

இந்நாள் நமது பொன்னாள் / Innaal Namathu Ponnaal

admin — Fri, 18 Oct 2024 22:20:21 +0000

இந்த நூலில் உள்ள கட்டுரைகள் எல்லாம் உரைநடைக் குறள் போன்றவை. சிறிய வடிவில் பெரிய கருத்துகளைச் சொல்ல கவிஞர் தியாரூவால் முடிந்திருக்கிறது.
கட்டுரைகளில் சில வரிகள் படித்த பிறகு நம்மை அங்கேயே நிறுத்தி நெடுநேரம் சிந்திக்க வைக்கின்றன.
வலியப் புகுத்தாமல் இயல்பாக எழும் நகைச்சுவை சில இடங்களைக் கலகலப்பாக்குகிறது. அப்படிப்பட்ட இடங்களைப் படிக்கும்போது நம் உதடுகளில் மெல்லிய முறுவல் வந்து ஒட்டிக் கொள்கிறது.
பல்வேறு சிந்தனைகளை உள்ளடக்கிய இந்த நூல், படிப்பவர்களின் மனத்தை மேம்படுத்தும். எந்த நூல் படிப்பவர்களின் மனத்தைச் சிறிதளவேனும் உயர்த்துகிறதோ அந்த நூல் நல்ல நூல்தானே?

முனைவர் திருப்பூர் கிருஷ்ணன்

The post இந்நாள் நமது பொன்னாள் / Innaal Namathu Ponnaal first appeared on New Century Book House.

வாழ்வெல்லாம் வசந்தம் / Vaazhvellam Vasantham

admin — Fri, 18 Oct 2024 22:20:20 +0000

வாழ்க்கை வசப்படவும் அது வசந்தமாகவும் என் இனிய நண்பர் வாழ்வியல் சிந்தனையாளர் கவிஞர் தியாரூ அவர்கள் பல்வேறு அனுபவங்களையும். செய்திகளையும், நிகழ்ச்சிகளையும் நம்மோடு பகிர்ந்து கொள்ளும்
அருமையான நூல்தான் இந்த ‘வாழ்வெல்லாம் வசந்தம்.’ இந்நூலின் 188 பக்கங்களை வாசித்து முடிக்கிறபோதே நமக்கு வசந்தகாலம் தொடங்கிவிட்டதாக உணர்வோம்.

கவிஞர் தியாரூ அவர்களின் “வாழ்வெல்லாம் வசந்தம்’ என்ற இந்நூலின் வாசிப்பு. நம்மை வாழ்க்கையை நேசிக்க வைக்கும், ‘வாழ்வதொன்றும் அத்தனைப் பெரிய விஷயமல்ல. எளிது’ என்பதை இதமாகச் சொல்கிற அவரது எளிமையான நடை பெரிதும் பாராட்டிற்குரியது.

கலைமாமணி
ஏர்வாடி எஸ். இராதாகிருஷ்ணன்

The post வாழ்வெல்லாம் வசந்தம் / Vaazhvellam Vasantham first appeared on New Century Book House.

கைகளுக்குள் வைகறை வானம்/ Kaikalukkul Vaikarai Vaanam

admin — Fri, 18 Oct 2024 22:20:20 +0000

மூச்சுக் காற்றைப் போன்று. தமிழை உட்பிடித்து அதைக் கவிமலர்களாகப் பிரசவிக்கும் கவிஞர் தியாரூவின் படைப்புலகத்தில் மலர்ந்த மற்றுமோர் அனுபவம்தான்.

‘கைகளுக்குள் வைகறை வானம்.” கண்களில் கவிதைகள் தோன்றுவதுண்டு. ஆனால் கண்களையே கவிதையாக மாற்றிச் செல்லும் உணர்வை விதைக்கும் படைப்புதான் இக்கவிதைத் தொகுப்பு:
கவிஞர் தியாரூவின் கவிதைகள் வெறும் சொற்களின் கோர்வையன்று.

அவை மானுடத்தின் மீது தீரா நேசிப்பினைச் செலுத்தும் கவிஞனின் ஆன்மப்பாடல், தற்காலக் கவிதைப் போக்கிலிருந்து விலகி, காத்திரமான வழியொன்றைச் சமைத்திட எத்தனிக்கும் தொனியைக் கவிஞர் தியாரூவின் படைப்புகள் அடர்த்தியாகப் பேசுகின்றன. கைகளுக்குள் வைகறை வானத்தில்
நிறைந்திருக்கின்றன சிதம்பர இரகசியமும், செந்தமிழுக்கான எதிர்காலச்
சேதிகளும்!

– முனைவர் இரா.குறிஞ்சிவேந்தன்

The post கைகளுக்குள் வைகறை வானம்/ Kaikalukkul Vaikarai Vaanam first appeared on New Century Book House.