அக்காலத்தின் அரிதினும் அரியதான மேற்படிப்பு வாய்க்கப் பெற்று வருவாய்த் துறையில் வேலை கிடைத்தும் அதனை உதறிவிட்டு எளிய மக்களுக்கான சமூகப் போராட்டங்களில் தன்னை உட்படுத்திக் கொள்கிறார். பெரும் நிலக்கிழாராக இருந்தும் நிலவுடைமையாளர்களுக்கு எதிரான போராட்டங்களை முன்னெடுத்துச் செல்கிறார்.

கொள்கைப் பற்றுறுதியான சமூக செயல்பாடுகளில் தன்னை முழுமையும் அர்ப்பணித்து இறுதி வரைக்கும் அயராது பாடுபட்ட தீரமும் உழைப்பும் வாசிப்போரை சிலிர்த்திடச் செய்யும்.

பொன்னீலன் அவர்களின் இத்தொகுப்பின் அடையாளம் என்பது பிற மாவட்ட மக்களும் அறிந்து, உணர்ந்து கொள்ளவும் குறிப்பாய் தமிழ் இலக்கிய வாசக பெருமக்களுக்கு தாகம் தணிக்கும் விதமாகவும் படைக்கப்பட்டிருப்பதன் நோக்கம் வெளிப்படுகிறது.

ப.மாணிக்கம்

“பன்முகத் திறமை படைத்த பாலன் மேன்மையான மானுடன்’ தோன்ற வேண்டும் என்ற குறிக்கோளுக்குத்
தன் வாழ்க்கை முழுவதையும் அர்ப்பணித்தார். கடைசிவரைச் சோர்வின்றித் துணிச்சலும் வீரமும் மிக்கத் தலைசிறந்த
போராளியாகவே இருந்தார்”

பேரா.நா.வானமாமலை