குழந்தைகள் விரும்பிப் படிக்கும் விதமாக எளியமுறையில் எழுதப்பட்ட சின்னச் சின்னக் கதைகளின் தொகுப்பு.
தவளை, குரங்கு, பறவை, கரடி ஆகியவற்றோடு மந்திரக்கல் மாயவினோதம் போன்ற கற்பனைக் கதைகளும் இப்புத்தகத்திலுள்ளன. குழந்தைகளுக்கான நீதிக்கதைகள் அரிதானதாகிவிட்ட இக்காலத்தில் அதன் தேவையை இந்நூல் நிறைவு செய்கிறது.

உண்மையா? பொய்யா? . பல்வேறு நாடுகளில் வழங்கி வரும் புதிர் கதைகள் இந்நூலில் தொகுக்கப் பட்டுள்ளன. இதிலுள்ள 17 கதைகளும் சிறார்களின் சிந்தனையைத் தூண்டும் தன்மையுடையன. ஒவ்வொரு புதிரின் விடைகள் கதையின் இறுதியில் வருகின்றன. விடைகள் நம்மை வியப்பின் எல்லைக்குக் கொண்டு செல்கின்றன. எளிய தமிழில் இக்கதைகள் மொழிபெயர்க்கப் பட்டுள்ளன.

நாயும் ஓநாயும் இந்தியா சுதந்திரம் பெறுவதற்கு முன்பிருந்தே தமிழில் சிறார் இலக்கியங்களுக்கு முக்கியத்துவம் கொடுத்து அதனை வளர்த்தெடுத்தவர் சக்தி வை.கோவிந்தனாவார். சிறார்களுக்கென தனியாக மாத இதழ்களைத் தொடங்கி அதிகளவில் விற்பனை சாதனை படைத்தவரும் அவரே. குழந்தைகளுக்கான கதைகளில் தீவிர ஈடுபாடு கொண்டிருந்த அவர் தமிழ்ச் சிறார் இலக்கிய உலகுக்கு எண்ணற்ற பல கதைகளைத் தொகுத்து வெளியிட்ட பெருமைக்குரியவர். அவரது சிந்தனையில் உருவான இத்தொகுப்பில் இடம் பெற்றுள்ள கதைகள் சிறார்கள் படித்துப் புரிந்துகொள்ளும் வண்ணம் எளிய நடையில் அமைந்துள்ளன.

மாறிவரும் கலாசார சூழலில் குழந்தை இலக்கியத்தின் அவசியத் தேவையை அதன் பண்பு ரீதியான முக்கியத்துவத்தோடு அலசி ஆராய்கிறது இந்நூல்.
50 ஆண்டுகளுக்கு முன்பாக சிறுவர் இலக்கியத்தில் நிகழ்ந்த சாதனை- கள். வெளிவந்த படைப்புகள். சிறுவர் இதழ்கள் என்பவற்றை முன்வைத்து இன்றைய படைப்பு நிலைமைகளோடு ஒப்பிட்டு விவாதிக்கின்றன இக்கட்டுரைகள். குழந்தை நூல்களில் மேலதிகமான படைப்பாளிகளின் பங்களிப்பை கோருவதோடு சில படைப்புகளின் மீதான விரிவான பார்வைகளும் இந்நூல் முன்வைக்கிறது.

சோம்பேறி சுண்டெலி, ஓநாய்க்குப் பயந்து ஏழையான அரசன், சிங்கத்தை ஏமாற்றிய சிறுநரி. தானம் செய்த இளவரசன். உதவி செய்த குருவி, புறாவைக் காப்பாற்றும் தேனீ என்று அன்பையும், நட்பையும், தந்திரத்தையும் எடுத்துரைக்கும் கதைகள் இதில் இடம் பெற்றுள்ளன.

அனைவரும் எளிதாகப் புரிந்துகொள்ளும் வகையில் எழுதப்பட்டுள்ள இந்தக் கதைகள் எத்தனை முறைப் படித்தாலும் சுவையும் சிறப்பும் குன்றாதவை. எல்லாக் காலத்திற்கும் பயனுள்ளவையாகும்.