The post தாய்மொழி அடிப்படையிலான மருத்துவக் கல்வியின் பயன்கள் first appeared on New Century Book House.

உலகில் நிலப்பரப்பினை விட நீர்ப்பரப்பே அதிகம். மனித சமூகம் இவ்விரண்டினையுமே தம் பொருளியல் வாழ்விற்காக கட்டுப்பாட்டுக்குள் வைத்துள்ளது. வணிகம், வரலாறு நெடுக மனிதசமூகத்தில் முக்கியப் பங்கு வகிக்கிறது. இக்கட்டுரை வணிகத்திற்கும் சமூகத்திற்கும் இடையிலான உறவினையே பேசுகிறது. புதுப் புது அறிவியல் கண்டுபிடிப்புகள் வணிகம் மூலமாகவே எளிய மக்களுக்கும் கிடைக்கிறது.

நவீன காலத்திற்கு முன்புவரை வணிகம் நிலத்தின் வழியேயும் கடல் வழியேயும் நிகழ்த்தப்பட்டது.
நிலத்தினைத் தனக்கான வாழ்களமாகப் பயன்படுத்திய மனிதன், கடல் பரப்பினையும் தனக்கான வாழ்வாதாரமாகக் கொண்டான். தொடக்கத்தில் மீன்பிடி களமாகப் பயன்பட்ட கடல்பரப்பு வணிகத்தளத்திற்கும் வழிவிட்டது. நவீன காலத்திற்கு முன்புவரை கடல் வணிகம் மத்தியத்தரைக்கடல் முதல் தென்சீனக்கடல் வரைக்கும் நீண்டிருந்தது. பருவகாலங்களில் மாறிவரும் காற்றின் திசைகளுக்கு ஏற்ப கடற்பயணங்கள் மேற்கொள்ளப்பட்டன.

வரலாற்றில் வணிகமும் சமயமும் அரசும் சாதிகளும் பிணைந்துள்ளன வணிகத்தின் மூலம் கிடைத்தற்கரிய பொருள்களைப் பெறமுடிந்தது. பொருளாதார உயர்வு, சமயப் பரவல்கள் போன்ற பல வரலாற்றுத் தகவல்களை இந்நூல் நமக்குத் தருகிறது.

The post கடல்சார் வரலாற்றில் சமூக மாற்றம்: எல்லையும் எல்லையற்றதும் first appeared on New Century Book House.

2024ஆம் ஆண்டு லெனினின் நூறாண்டு நினைவு ஆண்டாக உலகம் முழுவதிலுமுள்ள கம்யூனிஸ்டுகளால் கொண்டாடப்படுகிறது. இதனையொட்டி தமிழ்நாட்டைச் சேர்ந்த கம்யூனிஸ்டுகளும் அவர்களது ஆதரவாளர்களும் லெனின் படைப்புகளில் மிக முக்கியமான. இன்றும் பொருத்தப்பாடுடைய சில நூல்களையும் கட்டுரைகளையும் வெளியிட்டு அவரது கருத்துகளை இளம் தலைமுறையைச் சேர்ந்த தோழர்களுக்கு அறிமுகப்படுத்த வேண்டும் என்ற விருப்பத்தின் ஒரு பகுதியாக 1922இல் லெனின் எழுதிய, மூன்று பகுதிகளைக் கொண்ட “நடப்பு விவகாரங்களைப் பற்றி எழுதும் பத்திரிகையாளனின் குறிப்புகள் என்ற கட்டுரையின் தமிழாக்கம் வெளிவருகிறது.

The post நடப்பு விவகாரங்களைப் பற்றி எழுதும் பத்திரிகையாளனின் குறிப்புகள் first appeared on New Century Book House.

நூலாசிரியர் பொன்னீலன் சாகித்ய அக்காதமியின் பரிசைப் பெற்றவர்; அகில இந்திய முற்போக்கு எழுத்தாளர் சம்மேளனத்தின் தேசியத் தலைவர்.
சாக்கிய குலத்தில் சுத்தோதனன் என்னும் இனக்குழுத் தலைவரின் மகனாகப் பிறந்த சித்தார்த்தன் புத்தரான வரலாற்றையும்,பௌத்தக் கொள்கையையும் சுருக்கமாகக் கூறுகிறது இந்த நூல்.

The post  பகவான் புத்தர் first appeared on New Century Book House.

மார்கனின் சமுதாய வளர்ச்சிக் கட்டங்கள் பற்றிய கருத்துக்களை முறைப்படுத்திய எங்கெல்ஸ், சமுதாயம் முன்னேற்றம் காணவேண்டிய வளர்ச்சிப் படிநிலைகள், வளர்ச்சிக் கட்டங்கள் ஐந்தெனக் கண்டார். அவை முறையே புராதனப் பொதுவுடைமைச் சமூகம். அடிமைச் சமூகம்.. நிலமானியச் சமூகம், முதலாளித்துவ சமூகம். சோஷலிசச் சமூகம் என்பன.
எஸ்.ஏ. பெருமாள் முதல் இரு சமூகங்கள் பற்றி இரு நூல்கள் எழுதியுள்ளார். ஆதி பொதுவுடைமைச் சமூகத்தில் கூட்டு வாழ்க்கை அமைந்த பான்மை, குடும்ப அமைப்பு. உழைப்புப் பிரிவினை. பெண்ணின் தலைமை அவள் தலைமை வீழ்ச்சி பெற்று ஆண் ஆதிக்கத் தோற்றம், அரசின் தேவை. அதன் தொல்
வடிவங்கள். தனிச் சொத்து வகித்த பாத்திரம் என்பன பற்றியெல்லாம் பொதுவுடைமைச் சமூகம் என்னும் நூலில் எடுத்துக் கூறியுள்ளார். இக்கால வரலாற்றாளர் இதனை உலோகக் காலம். பழங்கற்காலம், புதுக் கற்காலம், பெருங் கற்காலம் என்னும் பிரிவுகளாகக் காண்பர்,
தொல் சமூகம் மாறி முதல் வர்க்க சமுதாயமாக அடிமைச் சமுதாயம் தோன்றுவதற்கான காரணங்கள். மக்கள் அடிமைகளான வழிகள், அடிமைகள் நடத்தப் பெற்ற அவலம். பட்ட துன்ப துயரங்கள் இவற்றை எதிர்த்து அவர்கள் நடத்திய போராட்டங்கள் – சிகரம் வைத்தாற்போன்று ஸ்பார்ட்டகஸ் எழுச்சி – ஆகியவை பற்றி அடிமைச் சமுதாயம் என்னும் நூலில் விளக்கிக் கூறுகிறார்.

The post ஆதி பொதுவுடைமைச் சமூகம் first appeared on New Century Book House.

மார்க்சிய நோக்கில் முதன் முதலில் பகவத்கீதையை ஆய்வுக்கு உட்படுத்தியவர் டி.டி. கொசாம்பி ஆவார். அவருடைய “Illusion & Reality” என்பது முன்னோடி நூல். இவரைத் தொடர்ந்து மார்க்சிய அறிஞர்கள் பலர் பகவத்கீதையை ஆழ்ந்து ஆராய்ந்துள்ளனர். அவற்றின் விளைவாக எழுந்தது இந்நூல்.நூல் கூறும் கருத்துகள் ஆழ்ந்து சிந்திக்கத் தக்கவை. உழைக்கும் வர்க்கங்களுக்கு ஒளி தருவதோடு போராட்டக் கருவியாகவும் இலங்கத் தக்கவை.

ஆர்.பார்த்தசாரதி

The post இந்து மதத்தின் தனித்தன்மைகள் first appeared on New Century Book House.

“பிளேட்டோவின் குடியரசைப் போலவே சதுர்வர்ண முறையும் தோல்வியே அடையும். மனிதர்களை ஒரு சில வகுப்புகளாகப் பிரித்து, அஞ்சறைப் பெட்டியில் போடுவது போலப் போட்டுவிட முடியாது என்பதுதான் இதற்குக் காரணம். ஆரம்பத்தில் நான்கு வகுப்புகளாக இருந்தவை இப்போது நாலாயிரம் சாதிகளாகப் பெருகிவிட்டன என்பதே இதற்குப் போதிய சான்றாகும்.”

The post சதுர்வர்ணம் first appeared on New Century Book House.

இந்திய சமூக வளர்ச்சிப் போக்கின் தனித்தன்மைகள் இந்திய வரலாற்றாய்வில் பெரும் வாதவிவாதத்தைக் கிளப்பும் விசயம் ஆகும். இவ்விவாதங்களுக்கு பல அரிய பங்களிப்புகளை அம்பேத்கர் செலுத்தியுள்ளார். அதில் ஒரு பகுதி இக்கட்டுரை. இச்சிறு கட்டுரையில் அம்பேத்கர் அடிமைமுறையையும் சாதிய முறையையும் ஒப்பிட்டு ஆராய்கிறார். இவ்விரண்டு முறைகளின் ஒற்றுமை வேற்றுமைகளை தெளிவுபட விளக்குகிறார்.

The post அடிமை first appeared on New Century Book House.

தமிழகத்தின் மறைந்த முதுபெரும் பொதுஉடைமைத் தலைவரான எம்.வி. சுந்தரம் பிராமணியம் பற்றிய மார்க்சியப் பார்வையிலான வரலாற்று ஆய்வை இச்சிறுநூலில் செய்துள்ளார். பிராமணியத்தின் அகோர வடிவைத் தோலுரித்துக் காட்டியுள்ளார்.
இன்றைய சாதிவெறிப் போக்குகளில் பிராமணியம் உள்ளுறைந்துள்ளதையும் சுட்டிக்காட்டியுள்ளார்.

The post பிராமணியம் first appeared on New Century Book House.

இந்து மத உருவாக்கம் தொடர்பான பல கேள்விகளை இச்சிறு நூலில் குணாள் சக்ரவர்த்தி எதிர்கொள்கிறார். சமகால அரசியல் ஆதாயங்களுக்காகக் கட்டமைக்கப்படும் ‘இந்து மதம்’ என்ற ஒற்றைப்படையான மதத்தின் ஆதி வரலாறு பற்றிய தெளிவை ஏற்படுத்துகிறார். சமகால அரசியல் உரையாடலுக்கு மிக அவசியமானது இச்சிறுநூல்.
குணாள் சக்ரவர்த்தி ஜவகர்லால் நேரு பல்கலைக்கழகத்தின் வரலாற்று ஆய்வு மையத்தில் பேராசிரியராகப் பணியாற்றி வருகின்றார்.

The post இந்து மதம் first appeared on New Century Book House.