நாம் ஆர்டர் செய்து சுவைக்கும் உணவை டெலிவரி செய்யும் தொழிலாளர்கள் யாரும் ஒருபோதும் மலர்ந்த முகத்துடன் இருப்பதில்லை. அதை நாம் கவனித்திருந்தாலும், கவனிக்காவிட்டாலும் உணவு பொட்டலத்தை வாங்கிய பிறகு, அதற்கான காரணங்களைப் பற்றி நாம் யோசித்துப் பார்ப்பதில்லை. இந்தப் புத்தகம் நாம் பார்க்க மறந்த நகரத்தின் நவீன கூலித் தொழிலாளர்களை நமக்கு சரியான வகையில் அடையாளம் காட்டுகிறது. “கிக் பொருளாதாரம்” என்ற மாற்றுப் பொருளாதாரத்தை நமக்கு முன் கட்டமைத்து, அது “முழு நேர வேலையை விட சுதந்திரமானது”, “விரைவாக வருமானம் ஈட்டக்கூடியது”, “வேலை செய்வதில் நெகிழ்வுத் தன்மையைக் கொண்டுள்ளது” என்ற போலியான பிம்பத்தைத் தொழிலாளர்கள் மத்தியில் கட்டமைத்துள்ளது. அந்த பிம்பத்தை இந்த நூலாசிரியர் அ.இருதயராஜ் கட்டுடைக்கிறார். அந்த போலியான பிம்பத்தின் பல முகங்களைத் தோலுரித்துக் காட்டுகிறார். அனைவரும் அவசியம் வாசிக்க வேண்டிய புத்தகம்.
முனைவர். அழகிரிசாமி,
சென்னை

The post உணவு டெலிவரிக் கதைகள் (நாகரீக வாழ்வில் நவீனச் சுரண்டல்) first appeared on New Century Book House.

அப்போது அவருக்கு இருபது வயது. ஒரு நாள் தூங்கி எழுகையில் அவரது ஒரு விரல் பேனாவாக உருமாறியிருந்தது. தரையில், சுவரில், மரங்களில் கிறுக்கத் தொடங்கினார். எழுத்து வந்தது. ஒரு மாளிகை குறித்து எழுதினார். மாடமாளிகை, முழுமையாக எழுதி முடிக்கையில் மாளிகை குலைந்து சரிந்து குடிசையாகியிருந்தது. அவருக்குப் புரியவந்தது. இந்தப் பேனா யாருக்கானது, எதை மட்டும் எழுதுமென்று, பிறகு அவர் ஒரு கதை எழுதினார். குருவியின் கதை, கூடு இழந்த குருவியின் கதை.

The post குரலி (சிறுகதைகள்) first appeared on New Century Book House.

கல்லும் கதை சொல்லும் தோழர் தா.பாண்டியன் அறுபது ஆண்டுகளுக்கு மேலாக இந்தியக் கம்யூனிஸ்ட் கட்சியில் முழுமையாகத் தன்னை ஈடுபடுத்திக் கொண்டவர். அயராத அரசியல் பணிகளுக் கிடையே பல இலக்கிய நூல்களை எழுதியவர்; உலகப் பேரிலக்கியங்கள் பலவற்றைத் தமிழில் மொழி பெயத்தவர். பதின்ம வயதில் மேடையில் ஏறிய தா.பா. இன்று வரை வீச்சுடன் முழங்கி வருபவர். 2011-ஆம் ஆண்டு ஈரோட்டில் நடைபெற்ற புத்தகக் கண்காட்சி விழாவில் ‘கல்லும் கதை சொல்லும்’ என்ற தலைப்பில் சுமார் ஒன்றரை மணி நேரம் ஆற்றிய சிறப்புப் பேருரையின் எழுத்து வடிவமே இந்த நூல்.

The post கல்லும் கதை சொல்லும் first appeared on New Century Book House.

நாயும் ஓநாயும் இந்தியா சுதந்திரம் பெறுவதற்கு முன்பிருந்தே தமிழில் சிறார் இலக்கியங்களுக்கு முக்கியத்துவம் கொடுத்து அதனை வளர்த்தெடுத்தவர் சக்தி வை.கோவிந்தனாவார். சிறார்களுக்கென தனியாக மாத இதழ்களைத் தொடங்கி அதிகளவில் விற்பனை சாதனை படைத்தவரும் அவரே. குழந்தைகளுக்கான கதைகளில் தீவிர ஈடுபாடு கொண்டிருந்த அவர் தமிழ்ச் சிறார் இலக்கிய உலகுக்கு எண்ணற்ற பல கதைகளைத் தொகுத்து வெளியிட்ட பெருமைக்குரியவர். அவரது சிந்தனையில் உருவான இத்தொகுப்பில் இடம் பெற்றுள்ள கதைகள் சிறார்கள் படித்துப் புரிந்துகொள்ளும் வண்ணம் எளிய நடையில் அமைந்துள்ளன.

The post நாயும் ஓநாயும் / Nayum Onayum first appeared on New Century Book House.

இத்தாலிய நாடோடிக் கதைகள் மாய விநோதங்களை நிகழ்த்தும் கதாபாத்திரங்கள் சுவாரஸ்யமான கதைத் தளங்களில் உருப்பெற்று உலாவும் அதிசயங்களை உள்ளடக்கிய கதைப் புத்தகம்.

இக்கதைகள் கற்பனையின் உச்சபட்ச சாத்தியங்களைத் தொட்டு நிற்பவை. பாட்டுப் பாடும் கடிகாரம். சுண்டெலியைக் காதலிக்கும் இளவரசி, கோழிக்குஞ்சு பையன், ஆபரணச் செருப்பு, விலங்குகளுடன் பேசுபவன், கூந்தல் சீப்பை ஆப்பிள் தோட்டமாக மாற்றிய இளவரசி… என குழந்தைகளை மட்டுமன்றி படிப்பவரை குதூகலப்படுத்தும் சிருஷ்டிகள்.

ஒவ்வொரு கதையும் ஒருவித அங்கதச் சுவையுடனும் மலைப்பைத் தரும் நடையுடனும் சுவைபட எளிய தமிழில் மொழிபெயர்க்கப்பட்டுள்ளது. தேர்ந்த ரசனையை மேம்படுத்திக் கொள்ள உதவும் அருமையான புத்தகம்.

The post இத்தாலிய நாடோடிக் கதைகள் first appeared on New Century Book House.

என் கதை “ஹன்னா, நான் சொல்வதை நீ கேட்கிறாயா? நீ எங்கேயிருந்தாலும் மேலே பார்! பார் ஹன்னா! மேகங்கள் சஞ்சரிக்கின்றன! சூரியன் வெளியே வருகிறது!
நாம் இருட்டிலிருந்து வெளிச்சத்துக்கு வருகிறோம்! நாம் ஒரு புதிய உலகத்துக்கு வருகிறோம் – கருணையார்ந்த உலகம். மனிதர்கள், தங்கள் பேராசைகளுக்கும் விரோதங்களுக்கும் தீமைகளுக்கும் மேலே எழும் உலகம். மேலே பார் ஹன்னா! மனித ஆத்மாவுக்குச் சிறகுகள் கொடுக்கப்பட்டிருக்கின்றன. கடைசியில் அவர்கள் பறக்கத் தொடங்கியிருக்கிறார்கள். அவர்கள் வானவில்லை நோக்கிப் பறந்துகொண்டிருக்கிறார்கள். நம்பிக்கையின் வெளிச்சத்தை நோக்கிப்
பறந்துகொண்டிருக்கிறார்கள். மேலே பார். ஹன்னா, பார்

‘தி கிரேட் டிக்டேட்ட’ரில் சாப்ளின்

The post என் கதை first appeared on New Century Book House.

வானொலி என்றாலே முதலில் கண்முன் வருபவர் தென்கச்சி கோ.சுவாமிநாதன் அவர்கள்தாம். ஆம். அவரின் வார்த்தைகள் ஒவ்வொன்றும் சிந்திக்க வைக்கக்கூடிய நகைச்சுவை வெடிகள் எனலாம். ஆழமான ஒரு விஷயத்தை மிகச் சாதாரணமாக எறிந்துவிட்டுப் போகும் பக்குவம் அவரின்றி வேறு யார் இருக்க முடியும்?
அவரின் அனுபவங்கள் இங்கே சிந்தனையைத் தூண்டும் நகைச்சுவை வரிகளாய் நெஞ்சில் எப்போதும் நிலைத்திருக்கும் என்பதில் ஐயமில்லை.

The post அனுபவங்கள் அர்த்தமுள்ளவை first appeared on New Century Book House.

தோழர். பா. பாலசுந்தரத்தின் முயற்சியை ஊக்குவிக்க. உற்சாகமூட்டி அவரைத் தொடர்ந்து எழுத வைக்க. வாசகப் பெருமக்கள் இந்நூலை வாங்கி அவருக்கு வாழ்த்துக் கூற வேண்டுகிறேன்.

இரா.முத்தரசன் மாநிலச் செயலாளர், இந்திய கம்யூனிஸ்ட் கட்சி

The post மட்டைக் கஞ்சி first appeared on New Century Book House.

பல்வேறு சிறுகதைப் போட்டிகளில் பரிசு பெற்ற சிறுகதைகள் “சாதகப் பறவைகள்” நூலாகி மதுரை காமராசர் பல்கலைக்கழகத்திலும் திருச்சி பாரதிதாசன் பல்கலைக்கழகத்திலும் மற்றும் சில தன்னாட்சிக் கல்லூரிகளிலும் பாடத்திட்டம் ஆக்கப்பட்டது. திருச்சி வானொலியில் பல்லாண்டு காலமாக “நகைச்சுவை அரங்கம்” நடத்தியவர். தொலைக்காட்சிகளிலும் நடத்தி வருபவர். அண்ணாமலைப் பல்கலைக்கழகத்தில் பாரதியார் அறக்கட்டளைச் சொற்பொழிவு நடத்தியவர். ஆன்மிகச் சொற்பொழிவாளர், பட்டிமன்ற நடுவர். நகைச்சுவை. மற்றும் தன்னம்பிக்கைப் பேச்சாளர். வானொலிச் சாதனையாக “மொழியாகும் ஒலிகள்” என்ற வானொலி நிகழ்ச்சிக்குத் தேசிய அளவிலான “ஆகாஷ்வாணி” விருது பெற்றவர். தவத்திரு குன்றக்குடி அடிகளார் வழங்கிய “கலைச்செல்வர் விருது”. திருமுருக கிருபானந்த வாரியார் வழங்கிய “நகைச்சுவை மாமன்னர்” விருது போன்ற 60-க்கும் மேற்பட்ட விருதுகளைப் பெற்றவர்.

The post சாதகப் பறவைகள் first appeared on New Century Book House.

குமுதம், ஆனந்தவிகடன் போன்ற பல்வேறு இதழ்களில் வெளிவந்து பரவலான கவனத்தைப் பெற்ற இக்கதைகள் நம் மண்ணின் மணம் வீசுபவை நம் மக்களின் வாழ்வைப் பறைசாற்றுபவை. ராசாத்தியும் ஒரு பக்கிரியும்

அன்றாடும் நம் வாழ்வில் சந்திக்கும் எதிர்கொள்ளும் மாந்தர்களின் அன்றாட வாழ்வை அவர்களது பண்புகள், கவலைகள், அச்சங்கள், அலைச்சல்கள், மகிழ்ச்சியான தருணங்கள் என வெவ்வேறு வித்தியாசமான உணர்வுகளின் ஊடாக அதனதன் அர்த்தபூர்வங்களோடு இக்கதைகளில் காணலாம். இக்கதைகள் ஒவ்வொன்றும் சமூகக் கடமையுணர்வோடும் சமூகப் பிரக்ஞையோடும் அதேநேரத்தில் மிக எளிமையாகவும் எழுதப்பட்டிருப்பது இத்தொகுப்பின் சிறப்புகளில் ஒன்றாகும்.

The post ராசாத்தியும் ஒரு பக்கிரியும் first appeared on New Century Book House.