“தண்ணீருடன் குட்டிப் பரிசோதனைகள்” எனும் இந்நூலில் 141 விஞ்ஞான விந்தைகள் உள்ளன. இவை ஏதோ மாயாஜால் வித்தைகள் அல்ல; எல்லாம் அன்றாட வாழ்க்கையில் நிகழ்பவை தான்.

இருப்பினும், அவற்றின் காரணம் எளிதில் நமக்குப் புரிவதில்லை. இந்நூலைப் படித்துச் சில சோதனைகளைச் செய்து பாருங்கள். வாழ்க்கை எவ்வாறு அழகும் புதுமையும் மிக்கது என்பதை அறிவீர்கள். இதில் குறிப்பிட்டுள்ள குட்டிப் பரிசோதனைகள் ஒவ்வொன்றையும் நீங்களே செய்யலாம். எளிய வழிமுறைகள். பெரிய அளவில் அறிவியல் ஆய்வுக்கூடம் எதுவும் வேண்டாம். சாதாரண சாதனங்களைக் கொண்டே பரிசோதனை நடத்தலாம்.

பௌதிகத் துறை பற்றிய செய்திகள், கண்டுபிடிப்புகள், அறிவியல் அறிஞர்கள், செய்திகள், சாதனைகள், முக்கியத் தகவல்கள் உட்பட 1000 தகவல்கள் கேள்வி, பதில் வடிவில் இந்நூலில் இடம் பெற்றுள்ளன.

பொருள்களின் இயல்பு, இயக்கம், அமைப்பு, ஒளி, ஒலி இவற்றைப் பற்றிய விவரங்களையும், மின்சாரம், காந்தம், தண்ணீர், புவிஈர்ப்பு விசை, வேகம், முடுக்கம், அணு, அணு இயக்கம் ஆகியவை குறித்த பல்வேறு தகவல்களையும் உள்ளடக்கியுள்ள இந்நூல் அறிவியல் துறை ஆர்வலர்களுக்கும் மாணவர்களுக்கும் மிகுந்த பயனளிக்கும் வண்ணம் தொகுக்கப்பட்டுள்ளது.

சாதாரணமாக அருவருப்பாகத் தோன்றும் ஒரு சிற்றினம் எப்படி உயிர்விரிமத்தில் முக்கிய பங்கு வகிக்கின்றன என்பதை இந்நூலைப் படித்த பிறகு நன்கு உணர முடியும். சிலந்திகள் மனித இனத்தின் உற்ற நண்பர்கள் என்பதையும் உணரமுடியும்.