நேர்மையான திருடன்

நேர்மையான திருடன் (மொழிபெயர்ப்புக் கதைகள்)

கே.பி. கூத்தலிங்கம்

ஒரு அந்நிய மொழிப் படைப்பை மிக நெருக்கமாக அணுகிப் பார்க்கும் வாய்ப்பு மொழிபெயர்ப்பாளனுக்கு அமைகிறது. படைப்பாற்றல் மிக்க ஒரு மொழிபெயர்ப்பாளன் சொற்களையும் சொற்றொடர்களையும் மட்டும் தன் மொழிக்குக் கொண்டுவருபவனாக இல்லாமல், மூலப் படைப்பின் சொற்களில் உள்ளுறைந்திருக்கும் உணர்வுகளின் மொத்த சாரத்தையும் தன் சொற்களுள் பொதிந்து தனது மொழிக்கு மடைமாற்றம் செய்வதில் மாபெரும் சவால்களை சந்திக்கிறான். ஒரு அழகான நகைச்சுவையை, அன்பை, கோபத்தை. காருண்யத்தை, துயரத்தை சொற்களோடு சேர்த்து எடுத்து வருவதில் மிகுந்த திறன் தேவைப்படுகிறது.

இவ்வகையில் இத்தொகுப்பில் இடம் பெற்றிருப்பவை பல வகைப்பட்ட நிலப்பரப்புகளின் கதைகள். இவை தமிழின் மிகச் சிறந்த இலக்கிய இதழ்களாகிய கல்குதிரை. மணல் வீடு. திசை எட்டும். உங்கள் நூலகம் ஆகிய இதழ்களில் வெளிவந்தவை. புதிய வாசகர்களாலும் இவை விரும்பி வாசிக்கப்படும் என்னும் நோக்கில் இவை நூல் வடிவம் பெறுகிறது.

தமிழில்: கே.பி. கூத்தலிங்கம்